最近開始流牙血，可是小三諱疾忌醫不敢去睇，結果病情越來越嚴重。
早兩日才看到一單新聞說某牙醫專業失當。脫掉了女事主五隻牙齒，可憐女事主跟那醫生還是”朋友”。俾了錢，剝錯了牙又失去對朋友的信任，可真慘。小三真的不敢睇牙醫。
今天終於鼓起勇氣去睇。是同事介紹的牙醫，在士瓜灣。聽說醫牙周病不錯，不過收費就貴了點。
牙周病
牙周病是牙齒周圍組織的疾病。由積聚在牙齦(牙肉)邊緣的牙菌膜分泌毒素令牙周組織發炎所引致。
患上牙周病的人，除了牙齦紅腫、有口臭外，嚴重的還會有牙齦萎縮、牙縫增闊、牙齒鬆動移位，甚至整顆牙齒會鬆脫。這樣不但有損牙周病患者的儀容，大大削弱了他們的自信心，而且還會妨礙他們的正常社交生活。
此外，牙齦萎縮後會令牙齒變得敏感，當進食冷熱甜酸的食物時便會感到疼痛。不但如此，嚴重的牙周病會令牙齒鬆動、移位甚至脫落，亦會令患者咀嚼食物時感到困難及無力，影響患者的生活素質及身體健康。
徵狀:牙齦邊緣紅腫, 刷牙時牙齦容易出血, 可能有牙石積聚, 可能有牙齦疼痛, 有口臭。
才診視病情就用了$８８０，不過他有幫我每隻牙都檢查。
他先幫我每隻牙都推幾下，睇下有無鬆動移位或脫落危機。之後他把工具插入牙齒與牙肉之間，以確定細菌的侵蝕程度，又測試牙肉的出血程度，都好仔細。過程有少少痛。
之後醫生又同我簡單講解牙周病，佢俾我照鏡，自己睇返自己ｄ牙有幾嚴重。佢故意唔沖洗ｄ血，俾我自己睇返出血情況，好恐怖，原來唔覺唔覺ｄ細菌已經越走越入，幾乎隻隻牙都有事，不過好在發現得早，仲有得救。醫師向我保證不會像某醫師般亂剝牙。
要先照ｘ光片，之後再傾詳細，初步打價已經要$18,000，好貴．．．
To be continued
Subscribe to RSS Feed
來自網友Keithv 的提問，順便在這裡回答
小三,我係你網頁留言果個人ar~
sorry 呀, 0係果頁留左個咁0既言..
你睇果個醫生係邊個黎ga?
你俾左$17000做4次深層清潔,仲駛唔駛定期再做??
你大約駛左幾多錢?
做完深層清潔, 會幾耐食唔到野? 會幾耐先可以講返野ga?
To Keithv
1. email給你
2. ４次療程後一個月，佢會再做多一次複驗(即第五次，唔使錢，已包埋)； 再之後，醫生當然會建議你定期驗牙check住，你可以自己衡量，個度算普通撿查，唔係牙周病療程，所以應該唔貴．小三自己未做到，暫時無問過價．
3.880（初驗）+280(X-Ray)+17000(牙周病療程)+牙刷（？）=18160+
＃牙刷都幾蚊到十零蚊一支，佢第一次療程時會不斷開新刷幫你試，試到每一隻牙都可以照顧到．第二次可以帶番第一次時買佐個Ｄ刷去試．有你口水既刷當然入你數，如果你隻隻牙都用唔同size既牙刷，咁恭喜你．．．
4.其實打麻醉針要睇個人的情況，因為如果多牙蝕得深，做個時會好痛，麻醉藥會落重Ｄ，所以幾時散真係講唔定．打麻醉藥之後會覺得自己條脷同個唇都腫佐，以小三自己的情況，手術後兩個小時就感覺散了很多，三個小時之內就完全無事．
(i)基本上手術之後唔係[食唔到]，而係唔好食過熱或過冷的食物，因為感覺已麻痺，燙傷／凍傷也不自知；只要室溫那種，吃東西是絕對沒問題的；不過要留意吃慢一點，因為腫了比較容易會咬到自己，當然用沒麻醉那邊吃比較好；手術前吃少少食物，手術後忍耐幾個小時，散了之後才吃更好．
(ii)基本上唔算得[講唔到]，只係腫脹佐既感覺影響覺得唔舒服，所以小三唔想同人[吵]，其實要[講]係絕對無問題既．
節錄來自網友Keithv 的提問:
唔該曬你呀小三! 你解釋得好詳細!! 希望你完全無曬事 …
我而家真係覺得好煩…又貴…又超級勁驚…
又唔可以俾佢繼續惡化…
再一次唔該曬你!
…你有無用邊隻牙周病牙膏?…
…個牙醫未幫我補D牙, 但佢就幫我洗左1次牙, 開左隻嗽口水, 同埋買牙縫刷
下個禮拜再洗1次, 佢話之後再照X 光補爛牙
我好驚佢Dumb 症…佢都話我有牙周病
….小三其實你D牙周病係咪都係好輕微0個D? D 牙有無鬆?
小三,另外,我睇過呢個網:
http://community.she.com/messageboard/health/?action=view.topic&id=1621427&page=3
其實你d 智慧齒難剝0既話係可以叫牙醫寫紙去政府剝ga…
To Keith
大家分享經驗０者，唔使咁客氣既，得閒多Ｄ黎坐。 ^^
１．無用牙周病牙膏，醫生都無提過。
２．係我自己唔多想剥智慧齒，並唔係私家定政府既問題，始終風險太高，唔剥智慧齒最壞情況都係最後隻臼齒脫落，入面無佐兩隻牙，對我問題唔算太大；爛牙甩牙唔使死，無端端面癱承受唔起。
３．牙周病徵狀:牙齦邊緣紅腫, 刷牙時牙齦容易出血, 可能有牙石積聚, 可能有牙齦疼痛, 有口臭。
如果成日覺得牙齒酸痛可能是蛀牙引起（牙細菌分解醣，產生酸性, 象牙質琺瑯質被蛀穿去到神經就會好痛）；但如果吃冷熱食物痺痛就是牙周病引起的（牙骨外露，直接刺激牙神經），咀嚼無力更是牙齒有脫落危機的徵狀。
在未做牙周病治療之前：
你可以自我檢查一下，刷牙時留意下，哪一隻牙牙肉出血；牙肉不貼牙面而腫脹了(全部牙肉輕輕按下，就感覺到[實]和[腫]的分別，[腫]的會很[離]而且[浮]; 嚴重的，按下去也會出血)；輕輕觸摸牙齒（由上而下輕輕壓）如果覺得很[浮]，就是牙根不太穩，如果按下去會痛或者唔舒服想縮手，也可能是腫了;以上等等，都可以大概知道自己牙齒狀況。
知道自己的情況可以多加留意，越是出血多的地方反而越要盡力清潔，普通牙刷也可以清理大部份的污垢，最緊要是牙肉邊而不是牙冠，很多時細菌都在牙肉邊開始積聚。
不要用死力刷，而是輕輕按摩般刷，讓牙刷毛根部位置在牙肉邊上停留，但牙刷上部則輕輕前後移動（紙上談兵是有點難理解，想像這三劃是刷毛，而底部在牙肉邊的一點不動III ->///->\\\）就是只有頂部搖擺，按摩十來秒之後就換下一組（刷頭的長度算一組）
之後用牙線盡量清理牙縫兩邊的牙齒輪面，有合用的牙縫刷也一樣做到。
刷的時候不要怕痛或者怕血就唔刷，因為越唔理只會越嚴重。刷完之後過幾次水應該就會止血的。 (注意自己沒有出血不止的病／家族史才做)
４．我是下顎臼齒最嚴重（牙袋７－８，細菌侵蝕程度，８＝重，１＝輕）；之後就是４隻下顎門牙（牙袋４－５）:其他（１－２）；全部都安全，門牙有一隻[輕微危機]唔可以叫鬆，因為離[脫落]有一段距離，不過如果唔理就會惡化下去，所以有危機．（雖然臼齒牙袋有８，但牙袋在近智慧齒的一則，而不是360度都有咁深，所以還安全．）
５． 你去洗牙，有Ｄ牙醫就只會洗牙，係唔會故意睇你有無牙周病（因為係額外工作，要額外收費的），按章工作既就唔會睇，有多少經驗睇得出既,明知你有牙周病都唔會／唔可以做Ｄ咩，好人既就會通知你一聲，專業既就會建議你做牙周病療程。
基本上洗牙只會洗去牙冠上面的牙石污垢，對醫治牙周病作用不大（對防止惡化則聊勝於無），因為引至牙周病的牙菌是藏於牙袋及牙縫中，而不是在牙冠上；而普通洗牙不能處理牙周病的另外一個原因是，洗牙袋及牙縫是會很痛的，而這需要用上麻醉劑，這也是牙周病治療費用貴的原因之一。
６．牙周病治療會清理藏在牙縫裡的牙石，這之後用牙縫刷持續清理，以免污垢再藏牙石再生。在未完全清理牙縫裡的牙石前，牙縫刷的功效有限，因為牙石是很硬的，牙縫刷不能清除牙石。（不過可以刷到的地方也可以防治牙垢繼續積聚硬化變牙石）
７．其實也不用太過擔心的。
價錢的確是很貴，不過拖越久牙齒侵蝕程度只會越深，到時也只會越來越貴。而且錢不是一筆過的俾的，做完那一天才找那一個療程的數。
你可以先做初驗，知道自己的實際情況，之後才再慢慢考慮是不是要接受治療。
(．．．不過醫師會用優惠價吸引你即時決定做，成萬幾二萬嘛，佢驚你幫襯第二個）如果真的被氹了下海，也還可以要求４期隔遠少少做，做一兩期，下個月出糧才再做一兩期．．．如此還是可以在財務上稍作安排。
如果真的有困難可以跟醫師協調一下，雖然小三自己沒試過，不過既然我有一期無即時找數佢都可以俾我下次俾，應該都好易話維既．．．
[你都唔一定要幫襯我呢個醫師，你可以再四維問下其他人，相信其他醫師也可以做到幫病人在財務上協調一下的]
所以呢，你就不用太擔心了。了解多Ｄ就無咁擔心啦。
唔該曬你!! thanks so much!!
^^ 客氣！客氣！
to小三,
我想知果個醫生叫咩名?
同埋間診所ge地址~~~
哈哈～
該是時候認真考慮向醫生拿回點廣告費了
醫生的資料可以給你，email me
你好呀, 我都係牙齒鬆了, 要檢查一下了, 可以給我牙醫資料嗎? 萬分感激
thank you!
To Joyce: 已電郵回覆
你好,睇到你POST GE文好詳細,我都好想知道醫生GE資料呀!
好有用的資料, 多謝分享~~
welcome ^^