去佐動漫電玩展，最有使錢衝動係係呢間Hot Toy前面，個個Figure都好正，Biohazard呀！Terminator 呀！江口洋介啦，廣沬涼子啦，仲有Michael Jackson, 款款都好想買返屋企。
個剎那最想要係MJ，因為MJ一直係個腦度。其實之前都有出過ＭＪ，因為一Ｄ都唔似所以無理（仲好可以慳番）；不過今次進步佐，雖然我覺得佢都係捕捉唔到ＭＪ最吸引的地方（帶點羞澀的笑容），但已經幾似。
幾番掙扎～～無買到。
當我一諗到一個Figure可以換幾多張音樂碟，幾多隻MJ既歌，我就放棄無買啦！Figure只係有MJ外相的塑膠，Music先係有ＭＪ靈魂的藝術品。我寧願買佢既歌，佢歌書，佢既相，最後先考慮其他人用佢個樣做既product。
無買Figure慳佐個千幾蚊，幾乎用佐係佢本書Moonwalk度。
Michael Jackson 自己寫個本Moonwalk，好耐之前已經想買, 想好似去書局咁悠悠閒買黎睇當然無可能，第一版係1988年出既，到我知道有本咁既書都已經係好耐之後既事，印象中應該係係一ｄ訪問節目中ＭＪ同個主持講”想知就買我本Moonwalk／我已經講過，自己睇Moonwalk就會明”，諸如此類既說話，之後小三就好想買Moonwalk, 不過個時搵唔到。
今時今日,MJ死佐，Ｄ人就攞翻佢Ｄ物品出黎賣，擺明發死人財！
依家勁多人攞本Ｍoonwalk出黎bid。 唉！點解Ｄ人咁拜金架，當年USD15.95折合112港銀左右，最高見過炒到４千港銀，仲未計有親筆簽名，開價USD2500(HKD19，376)〔不過點驗簽名真偽？〕。
我最痛恨的就是這些〔經濟活動〕。
我懷疑有幾多人一開始就為投機而買；有幾多當初真係因為喜歡他而買，有幾多買佐之後有睇過；又有幾多原本支持佢，但依家決定放棄佢？
好多都寫： ”It looks like never been read”， 唔睇買黎做乜？我想睇好耐都買唔到呀！可惡～～～～～～
一本書既價值當然係本書既內容啦！是作者嘔心瀝血寫出來的，買返去但唔睇簡直係對作者既侮辱。就算出發點係好，只想好好保存，但這都是錯的。
你只是用盡方法將他的心封閉，放在一旁，不去理會。
．．．
我依家有機會買啦！不過係因為MJ之死，有出版社爭到個出版權，會再版，預計Oct 13, 2009出街。
．．．
我寧願唔要本書啦！
20091110
十月底收到本書。
很久之前已經知道它有MJ畫的畫，畫上犯了個少少錯誤就是MJ將日子錯寫為1998，應為1988。
硬皮上印有金色的簽名。
估不到的是本書收錄了MJ在香港跟藝人梁藝齡的合照。MJ選了一張兩個人都有笑容的相片。
大致上《Moonwalk》不差，不過相比之下，小三比較喜歡《Dancing the dream》的鋪陳，比較有藝術感，有味道。
還沒看完，要看畢這本書還需要多一點時日，雖然MJ的用字很淺白易明，不過始終是外文讀起上來還是比較慢。小時候沒有買回來，一則因為缺貨，二則因為價錢（當時年紀還小負擔不起，又沒有credit card甚麼的），三則就是因為當時自己英文水皮，怕買回來都看不明白。距離初版已經廿年，但小三從沒見過有中文版的，為什麼呢？不相信中文版沒市場．．．
不過現在小三有能力，還是看原文比較原汁原味．．．
Subscribe to RSS Feed
