羽毛

羽毛

第一個英文名是小學英文課老師迫我改既，好求其咁搵佐個當時唯一識既名來用。之後因為這個英文名在當時的電視劇都是用來做『媽媽桑』的角色。於是沒有再用。

第二個英文名，也是英文課老師迫我改既，不過是中學。當時在教科書上見到一個未見過，好像好深的名字，於是就拿來用。後來，這個稱呼上了頭版－－我才不要跟一個淫媒同名，於是又沒有再用。

再後來，上大專，想有個新開始，所以自己作了一個全新的名字，至少字面上不會再撞。不過發音就很像某男仔名，當時想，之前從來都沒識過男仔用呢個名，唔會咁岩，又或者就算有，只要唔係close friend group都唔會有問題。結果？第一次用呢個新名就撞了，六合彩又唔見中，．．．

亦有個外籍人仕向我提過，呢個音係德國係指『煙草』，（不過我查唔到）

（但我好鐘意我作既呢個名，所以唔會再改。呢個名，唔係被迫，唔係求其，我係上網搵佐一大堆英文名連其含意，左度右度想出來的。~ happiness +  wind = 快樂の風)(即係爽子啦幾夾～)

（題外話＊爽子係姓黑沼，黑色的沼澤，某時候我又真係幾黑色，幾沼澤（膠著停滯甚至下沈），呢個名真係好絕！中晒）

我個中文名，父親大人唔知係咪有心玩我，（睇你信唔信姓名學啦），無個好字，基本上三個字就係勞碌命，憂鬱同短命種～

（我個宗教觀令我唔係太信姓名學，不過如果講心理生理，我認同我係會早死，因為我思考過多，以及有抑鬱向～不過我宗教觀同心理學學識都教識我自我開導，又加上爽子既打不死精神，我又覺得我會活到八十～　哈哈～）

我在這裡開Blog之後，為了簡便，也為了親切點，叫自己做小三。不幸的是這幾年間卻興起叫第三者做小三

．．．．

無論叫甚麼都不對